是咁的...計睇演唱會無帶飛後...
我琴日睇 踏血尋梅Port Of Call無帶身分證！
我忘記左喱套係限制級電影...
我Hi！點解我又咁7無帶野！
重點係...我成個樣同身型完全係小學生咁
就算話我話我已經22歲都完全無說服力
我心諗 「唔係L啊！成98蚊張飛咖！」
所以我諗左好多方法過關
開Facebook資料啊~叫阿媽影我passport啊~
最後我厚面皮同個戲員姐姐講
「我.....唔記得帶身分證啊！我93年出世啊！」
姐姐竟然好輕鬆完全無放係心咁講
「唔緊要啦～下次記得帶啦～犯法咖」
個下我個心情好奇怪
一方面覺得緊張左成十分鐘...好鬼白癡
另一方面有得入場真係好L開心！(想睇好耐)
一直以來
都相信喱個世界係美好善良嘅
但人愈大愈睇得多現實嘅殘酷同不公
有時候真係好絕望 好想逃避
不過我並無佳梅的勇氣...
嗯...努力生存珍惜所有吧！
講到1999添........
我係個好鍾意聽故仔嘅觀眾
睇完喱部戲真係好滿足！
值得入場支持好電影！
Search